вторник, 18 июля 2017 г.

ისტორიის სააბიტურიენტო ტესტები და პასუხები 2017

ტესტი მეცამეტე
1. რომელ სახელმწიფოთა მმართველების წარწერები მოგვითხრობს უძველესი ქართული პოლიტიკური გაერთიანებების, დიაოხისა და კოლხას შესახებ?
. ასურეთისა და ხეთების
. ხეთებისა და სპარსეთის
. სპარსეთისა და ურარტუს
. ურარტუსა და ასურეთის

2. ვის მოსაზრებას ითვალისწინებდნენ კოლონიის დაარსებისას ძველი ბერძნები?
. ბასილევსების ანუ სახალხო ტრიბუნების
. არქონტების ანუ კერპთმსახურების
. კონსულების ანუ უზენაესი მმართველების
. დელფოსის ორაკულების ანუ წინასწარმეტყველების

3. უმთავრესად რამ განაპირობა პომპეუსის ლაშქრობა აღმოსავლეთში, რომლის დროსაც ის კავკასიაშიც შემოიჭრა?
. ჰუნების შეჭრამ რომის აღმოსავლეთ პროვინციებში
. ქართლის მეფის მიერ წამოწყებულმა აჯანყებამ
. სომხეთში დაკარგული გავლენის აღდგენის სურვილმა
. პონტოს სამეფოსთან მიმდინარე ომმა

4. რომელი მსჯელობაა მართებული ქართლის სამეფოში ქრისტიანობის სახელმწიფო რელიგიად გამოცხადებასთან დაკავშირებით?
. ქრისტიანობის გამოცხადებასთან ერთად მოხდა ახალი სამეფო დინასტიის ლეგიტიმაცია
. გაქრისტიანებით დასრულდა ეკლესიის მიერ ავტოკეფალიის მოპოვება
. ქრისტიანობის მიღებით დადასტურდა სამეფოს პრორომაული პოლიტიკური ორიენტაცია
. ქრისტიანობის საყოველთაო გავრცელებით დამთავრდა ხანგრძლივი საეკლესიო განხეთქილება

5. რაზე მეტყველებს მარზპანის თანამდებობის შემოღება ქართლში VI საუკუნეში?
. ქალაქებში პართელთა გარნიზონების ჩაყენებაზე
. სამეფო ხელისუფლების გაუქმებაზე
. ადგილობრივი მმართველობის აღდგენაზე
. მეფობის გადაცემის ახალი წესის შემოღებაზე

6. რამ განაპირობა, რომ დიოფიზიტებს ქალკედონიტებსაც უწოდებდნენ?
. მონოფიზიტებისაგან დევნილი დიოფიზიტები ამ სახელწოდების მონასტერს აფარებდნენ თავს
. ეს სახელი უკავშირდება დიოფიზიტური მოძღვრების ფუძემდებელ სასულიერო პირს
. ეს სახელწოდება უკავშირდება ქალაქს, სადაც ჩატარდა დიოფიზიტობის დამკანონებელი მსოფლიო საეკლესიო კრება
. ასე ეწოდება ამ მიმდინარეობის მთავარი რელიგიური დოგმების კრებულს

7. რა გახდა ისლამში ორი მიმდინარეობის: შიიზმისა და სუნიზმის ჩამოყალიბების ერთ-ერთი უმთავრესი მიზეზი?
. ღმერთის იკონოგრაფიულად გამოსახვის წესი
. არამუსლიმებისადმი განსხვავებული დამოკიდებულება
. ხალიფას მექაში დაკრძალვის რიტუალი
. უმაღლესი ხელისუფლების გადაცემის საკითხი

8. რამ განაპირობა ბუღა თურქის ლაშქრობა საქართველოში?
. ხალიფასადმი თბილისის ამირას ურჩობამ
. ქართველთა მეფის მიერ მოწყობილმა აჯანყებამ
. ჰუნების მიერ სამხრეთ კავკასიის მრავალგზის დალაშქვრამ
. აფხაზთა მეფის ძალაუფლების გავრცელებამ აღმოსავლეთ საქართველოში

9. რომელი ქართული პოლიტიკური ერთეული მონაწილეობდა X-XI საუკუნეთა მიჯნაზე საქართველოს გაერთიანების პროცესში?
. წანარეთის სამეფო
. ქართლის სამთავრო
. აფხაზთა სამეფო
. იმერეთის სამეფო

10. სხვა მიზეზებთან ერთად, რამ გამოიწვია ბიზანტიის იმპერიის დაშლა XIII საუკუნის დასაწყისში?
. არაბებთან ბრძოლაში განცდილმა მარცხმა
. სელჩუკთა მიერ იმპერატორის დატყვევებამ
. ჯვაროსანთა მიერ კონსტანტინოპოლის აღებამ
. ქრისტიანულ ეკლესიაში მომხდარმა განხეთქილებამ

11. ვინ იყვნენ იანიჩარები?
. ოსმალეთის იმპერიის მეომრები
. სელჩუკთა ლაშქრის შუბოსნები
. შაჰის გვარდიის ჯარისკაცები
. არაბი ცხენოსანი მოლაშქრეები

12. რას ისახავდნენ მიზნად 1396 წელს ბალკანეთში, ქალაქ ნიკოპოლთან საბრძოლველად გამზადებული ევროპელები?
. კონსტანტინოპოლის გათავისუფლებას
. ევროპაში ოსმალთა წინსვლის შეჩერებას
. ქალაქ ტრიპოლის დაბრუნებას
. სელჩუკთაგან დამასკოს გათავისუფლებას

13. რას წარმოადგენდა ინდულგენცია?
. სასჯელს ერეტიკოსთათვის
. ცოდვათა მისატევებელ სიგელს
. საეკლესიო სასამართლოს
. კარდინალთა კონკლავის ბრძანებულებას

14. რომელი მეფის მინისტრი იყო მერკანტილიზმის ეკონომიკური მოძღვრების ცნობილი წარმომადგენელი კოლბერი?
. ანრი IV-ის
. ლუი XIV-ის
. ფრანსუა I-ის
. შარლ X-ის

15. ვის ეწოდებოდავალი“ XVII-XVIII საუკუნეების საქართველოში?
. შაჰის მიერ ქართლის მმართველად დანიშნულ გამაჰმადიანებულ ბაგრატიონს
. სულთნის მიერ გამოგზავნილ გადასახადების ამკრეფ მოხელეს
. კახეთის სამეფო კარზე ოსმალეთის მუდმივ წარმომადგენელს
. თბილისის ციხის გარნიზონის ყიზილბაშ მეთაურს

16. რა იყო არქანჯელო ლამბერტისა და კრისტოფორო კასტელის საქართველოში ჩამოსვლის უმთავრესი მიზანი?
. ქართველი მეფე-მთავრების ანტიოსმალურ კოალიციაში ჩართვა
. ქართველ მეფე-მთავართა შორის ურთიერთბრძოლის შეწყვეტა
. ქართველების დათანხმება ჯვაროსნულ ომში მონაწილეობაზე
. ქართველთა შორის კათოლიკური სარწმუნოების გავრცელება

17. რომელ ქალაქში გამოიცა პირველი ქართული ნაბეჭდი წიგნი?
. რომში
. ნეაპოლში
. მილანში
. ვენეციაში

18. რა მნიშვნელობა ჰქონდა ქართველთათვის ხრესილის ბრძოლაში გამარჯვებას?
. დიდი ხნით აღიკვეთა ლეკთა მარბიელი თავდასხმები
. ოსმალები განიდევნენ სამცხე-საათაბაგოს დიდი ნაწილიდან
. ბოლო მოეღო ყიზილბაშთა ბატონობას ქართლ-კახეთში
. საგრძნობლად შეირყა თურქ-ოსმალთა ბატონობა იმერეთში

19. ვინ გამოაცხადა თავი საფრანგეთში დამფუძნებელ კრებად 1789 წლის ზაფხულში?
. გენერალური შტატების წევრთა უმრავლესობამ
. ჟირონდისტების რადიკალურმა ფრთამ
. იაკობინელთა კლუბის წევრებმა
. დირექტორთა კოლეგიამ

20. სხვა მიზეზებთან ერთად, რამ გაუადვილა საფრანგეთის წარმომადგენელ ტალეირანს, ვენის კონგრესზე დაეცვა საკუთარი ქვეყნის ინტერესები?
. წინააღმდეგობებმა გამარჯვებულ სახელმწიფოთა შორის
. იმპერატორის დაბრუნებამ წმინდა ელენეს კუნძულიდან
. კოალიციის დამარცხებამ ლაიფციგის ბრძოლაში
. ევროპაში დაწყებულმა რევოლუციებმა

21. სად არ განვითარებულა რევოლუციური მოვლენები XIX საუკუნის 40-იან წლებში?
. ავსტრიაში
. გერმანიაში
. რუსეთში
. საფრანგეთში

22. XIX საუკუნის 30-იანი წლების დასაწყისში ქართველ მოღვაწეთა ერთი ჯგუფი თვლიდა, რომ ჯერ კიდევ ადრე იყო საქართველოს გამოსვლა რუსეთის იმპერიის შემადგენლობიდან. რა აშინებდათ მათ?
. ფეოდალთა შორის არსებული შუღლი
. ეროვნული ბურჟუაზიის არარსებობა
. კლასობრივი ბრძოლის გამწვავება
. მოსალოდნელი საგარეო საფრთხეები

23. რაში გამოიხატა XIX საუკუნის 40-იან წლებში მმართველობის სისტემის რეფორმირება კავკასიაში?
. მთავარმართებლის თანამდებობის აღდგენაში
. გენერალ-გუბერნატორის უფლებების გაზრდაში
. მეფისნაცვლობის შემოღებაში
. მთავარსარდლობის დაწესებაში

24. რა მიიჩნია რუსეთის იმპერატორმა ალექსანდრე II- სახელმწიფოს კრიზისიდან გამოყვანის ერთ-ერთ საშუალებად?
. იაპონიასთან ომის სასწრაფოდ შეწყვეტა
. სახელმწიფო სათათბიროს მოწვევა
. ბატონყმობის გაუქმება
. სინოდის დათხოვნა

25. რომელი სახელმწიფო წარმართავდა ბრძოლას გერმანიის გაერთიანებისთვის XIX საუკუნეში?
. ბავარია
. პრუსია
. საქსონია
. ჰანოვერი

26. რატომ იყო საქართველოს დემოკრატიული რესპუბლიკის მთავრობა 1919-1921 წლებში ერთპარტიული, სოციალ-დემოკრატიული?
. მოქმედი კანონმდებლობის თანახმად, მთავრობას ერთპიროვნულად ნიშნავდა პრეზიდენტი, რომელიც სოციალ-დემოკრატი იყო
. დამფუძნებელი კრების არჩევნებში უმრავლესობა სოციალ-დემოკრატიულმა პარტიამ მოიპოვა
. კონსტიტუცია კრძალავდა კოალიციური მთავრობის შექმნას არასტაბილურობის გამორიცხვის მიზნით
. სხვა პარტიებმა ბოიკოტი გამოუცხადეს არჩევნებს და დამფუძნებელ კრებაში მათ წარმომადგენლები არ ჰყავდათ

27. რომელი მსჯელობაა მართებული ერთა ლიგის მოღვაწეობასთან დაკავშირებით?
. ერთა ლიგამ შეასრულა თავისი უმთავრესი მისია, რადგან უფლებამოსილება მშვიდობიანად გადასცა ევროკავშირს
. ერთა ლიგამ ვერ შეძლო თავისი უმთავრესი მისიის შესრულება, რადგან ვერ აიცილა თავიდან ახალი მსოფლიო ომი
. ერთა ლიგამ, მართალია, ვერ შეძლო თავიდან აეცილებინა სხვადასხვა ლოკალური ომები, თუმცა არ დაუშვა დიდი ომის დაწყება
. ერთა ლიგამ საბოლოოდ მაინც ვერ შეძლო რეალურად ფუნქციონირება, რადგან მასში არ გაერთიანდნენ ანტანტის წევრი სახელმწიფოები

28. რატომ ეწოდება II მსოფლიო ომის საწყის ეტაპსუცნაური ომი“?
. საბჭოთა კავშირის წინააღმდეგ გერმანიამ მანამდე სრულიად უცნობი სამხედრო ტაქტიკა გამოიყენა
. ომის გამოცხადების მიუხედავად, საფრანგეთ-გერმანიის საზღვარზე ბრძოლები ფაქტობრივად არ მიმდინარეობდა
. ბალკანეთის სახელმწიფოებმა გერმანელთათვის პარტიზანული ბრძოლის მანამდე უცნობი მეთოდი გამოიყენეს
. სკანდინავიის ქვეყნების წინააღმდეგ სამხედრო ოპერაციებისას გერმანიამ მხოლოდ საჰაერო-სადესანტო ძალები გამოიყენა

29. რომელი მსჯელობაა მართებულიცივი ომისშესახებ?
. „ცივი ომიეწოდა დაპირისპირებას ჩრდილოეთ ევროპის განვითარებულ სახელმწიფოებსა და სამხრეთ ევროპის კომუნისტურ ქვეყნებს შორის
. „ცივი ომიგულისხმობდა განვითარებად ქვეყნებში სოციალისტურ და ფაშისტურ პარტიებს შორის მიმდინარე სამხედრო შეტაკებებს
. „ცივი ომიიყო წინააღმდეგობა სოციალისტური ორიენტაციის ქვეყნებსა და დიდ კოლონიურ იმპერიებს შორის
.ცივი ომიწარმოადგენდა დაპირისპირებას სოციალისტურ ბანაკსა და დასავლეთის განვითარებულ სახელმწიფოებს შორის

30. დაალაგეთ ქრონოლოგიურად რომის სახელმწიფოში განვითარებული მოვლენები:
1. ტეტრარქიის შემოღება
2. I ტრიუმვირატის ჩამოყალიბება
3. პრინციპატის დამყარება

31. დაალაგეთ ქრონოლოგიურად XVII საუკუნის ინგლისის ისტორიასთან დაკავშირებული მოვლენები:
1. მეფის მიერ ლონდონის დატოვება და ჩრდილოეთში წასვლა
2. კრომველის მიერ ჰოლანდიის დამარცხება
3. „ხანგრძლივი პარლამენტისშეკრება

32. დაალაგეთ ქრონოლოგიურად XIX საუკუნის საქართველოში მომხდარი მოვლენები:
1. საჯარო ბიბლიოთეკის დაარსება თბილისში
2. ქართველთა შორის წერა-კითხვის გამავრცელებელი საზოგადოების შექმნა
3. რუსეთის ხელისუფლების მიერ აფხაზეთის სამთავროს გაუქმება


პასუხები
1.
2.
3.
4.
5.
6.
7.
8.
9.
10.
11.
12.
13.
14.
15.
16.
17.
18.
19.
20.
21.
22.
23.
24.
25.
26.
27.
28.
29.
30. 2  3  1
31. 3  1  2

32. 1  3  2


ტესტი მეთოთხმეტე
1. დამწერლობის რომელ ტიპს განეკუთვნება ურარტუს მეფეთა წარწერები, სადაც შემონახულია ცნობები კოლხას შესახებ?
. ანბანურს
. იეროგლიფურს
. ლურსმულს
. სილაბურს

2. სად დაუპირისპირდა ერთმანეთს პირველად კართაგენისა და რომის ინტერესები?
. მცირე აზიის ნახევარკუნძულზე
. ჩრდილოეთ აფრიკაში
. ბალკანეთის სამხრეთში
. კუნძულ სიცილიაზე

3. რა სახით ჩაერთო ქართლის სამეფო პართიასა და რომს შორის სომხეთისათვის I საუკუნეში მიმდინარე ბრძოლაში?
. ქართლის სამეფოს ჯარმა სომხეთში ილაშქრა, დაამარცხა იქ გაბატონებული პართიელები და ტახტი ქართველმა უფლისწულმა დაიკავა
. პართიასთან დადებული სამოკავშირეო ხელშეკრულებით ქართლის სამეფო რომს დაუპირისპირდა და სომხეთში ქართველი პიტიახში გაიგზავნა
. ქართლის სამეფო მოლაპარაკებას აწარმოებდა პართიასთან და საბოლოოდ სომხეთი ქართლის ვასალად გამოცხადდა
. ქართლის მეფემ ისარგებლა პართიისა და რომის დაპირისპირებით და სომხური მიწები უშუალოდ შემოიერთა

4. სხვა ფაქტორებთან ერთად, რა ადასტურებდა ქართლის სამეფო კარის ანტიირანულ განწყობას IV საუკუნეში?
. დინასტიისთვის სახელის შეცვლა
. მოგვების სიკვდილით დასჯა
. დედაქალაქის მცხეთაში გადმოტანა
. ქრისტიანობის მიღება

5. რომელი მსჯელობაა მართებული სასანიანთა ირანის რელიგიური პოლიტიკის შესახებ ქართლში VI საუკუნეში?
. გამოცხადდა სრული რელიგიური თავისუფლება
. დაწესდა სულადობრივი გადასახადი ქრისტიანებისთვის
. დაიწყო მონოფიზიტური მიმდინარეობის აქტიური მხარდაჭერა
. მხოლოდ ცეცხლთაყვანისმცემლებს მიეცათ სამხედრო სამსახურის უფლება

6. რა დადგენილება მიიღო VII მსოფლიო საეკლესიო კრებამ?
. აღადგინა მონოფიზიტობა
. დაგმო ხატმებრძოლეობა
. ანათემას გადასცა რომის პაპი
. გააუქმა ეკლესიების ავტოკეფალია

7. რატომ ითვლება კარლოს დიდი ფრანკთა იმპერიის დამაარსებლად?
. კარლოსი იყო ახალი სამეფო დინასტიის პირველი წარმომადგენელი
. დასავლეთ რომის იმპერატორმა კარლოსი აღიარა პირველ ლეგიტიმურ მმართველად
. კარლოსმა ფრანკთა იმპერიაში ქრისტიანობა სახელმწიფო რელიგიად გამოაცხადა
. კარლოსი იყო პირველი ფრანკი მმართველი, რომელიც რომის პაპმა იმპერატორად აკურთხა

8. რომელი ქართული პოლიტიკური ერთეული არ მონაწილეობდა X საუკუნის მეორე ნახევარში საქართველოს გაერთიანების პროცესში?
. კახეთის საქორეპისკოპოსო
. ქართველთა სამეფო
. აფხაზთა სამეფო
. იმერეთის სამეფო

9. რატომ აღმოჩნდა მანასკერტთან ბრძოლა გადამწყვეტი ბიზანტიისა და თურქ-სელჩუკების დაპირისპირებაში?
. ნათელი გახდა, რომ ბიზანტიას შესწევდა ძალა, წარმატებით დაეცვა თავისი სამფლობელოები სამხრეთ კავკასიაში
. განადგურდა თურქ-სელჩუკთა ელიტარული სამხედრო ნაწილები, რითაც შეჩერდა მათი წინსვლა მცირე აზიისკენ
. თურქ-სელჩუკებმა სასტიკად დაამარცხეს ბიზანტია და გაბატონდნენ იმპერიის აღმოსავლეთ პროვინციებში
. ბიზანტიის დამარცხების შემდეგ თურქ-სელჩუკები ადვილად გადავიდნენ ბალკანეთის ნახევარკუნძულზე

10. რა გახდა მეორე ჯვაროსნული ლაშქრობის დაწყების უშუალო მიზეზი?
. მუსლიმთა მიერ ედესის დაკავება
. სელჩუკთა ჯარის მიერ დამასკოს აოხრება
. ბაღდადის ხალიფას მიერ ალექსანდრიის აღება
. მომთაბარეთა ლაშქრის მიერ ნიკეის ალყაში მოქცევა

11. რა ეწოდებოდათ ტყვედ აყვანილ ახალგაზრდა ვაჟებს, რომლებიც შემდგომ ოსმალეთის არმიაში მსახურობდნენ?
. ბედუინები
. შაჰისევანები
. იანიჩარები
. ღოლამები

12. რომელი მსჯელობაა მართებული 1389 წელს კოსოვოს ველზე მომხდარი ბრძოლის შესახებ?
. ოსმალებმა დაამარცხეს სერბეთის მეფის ჯარი
. ევროპელი ჯვაროსნების კოალიციამ ოსმალთა წინსვლა შეაჩერა
. თემურ-ლენგის ლაშქარმა სასტიკად დაამარცხა ოსმალები
. ოსმალთა ჯარმა გაანადგურა ბიზანტიის არმია

13. რა ზომას მიმართა რომის პაპმა ლუთერის წინააღმდეგ ამ უკანასკნელის მიერ „95 თეზისის გამოქვეყნების საპასუხოდ?
. დააპატიმრა და კოცონზე დაწვა მიუსაჯა
. წოდება ჩამოართვა და ქვეყნიდან გააძევა
. მწვალებლად გამოაცხადა და ეკლესიიდან განკვეთა
. საჯაროდ შეაჩვენა და შორეულ მონასტერში გამოკეტა

14. ვისი აქტიური მოღვაწეობით გამოიცა პირველი ქართული ნაბეჭდი წიგნი?
. პროხორე ქართველის
. ნიკიფორე ირბახის
. იოანე პეტრიწის
. გაიოზ რექტორის

15. ვინ იყოვალისტიტულის პირველი მფლობელი საქართველოში?
. შაჰნავაზი
. როსტომ-ხანი
. ნაზარალი-ხანი
. იმამ-ყული-ხანი

16. ვის სახელს უკავშირდება XVII საუკუნის 60-70-იან წლებში საფრანგეთში განხორციელებული მერკანტილიზმის ეკონომიკური პოლიტიკა?
. კოლბერის
. დიდროს
. ბრისოს
. სეიესის

17. ვინ იყვნენ არქანჯელო ლამბერტი და კრისტოფორო კასტელი?
. ესპანეთის მეფის ელჩები
. კათოლიკე მისიონერები
. იეზუიტთა ორდენის წევრები
. გერმანიის იმპერატორის დესპანები

18. რომელმა ორგანომ მიიღო საფრანგეთშიადამიანის და მოქალაქის უფლებათა დეკლარაცია“ 1789 წელს?
. წარმომადგენელთა პალატამ
. დამფუძნებელმა კრებამ
. დირექტორიამ
. კონვენტმა

19. ვინ გაატარა მნიშვნელოვანი ღონისძიებები ტყვეთა სყიდვის წინააღმდეგ დასავლეთ საქართველოში XVIII საუკუნეში?
. დარეჯან დედოფალმა
. სოლომონ I-მა
. ლევან I-მა დადიანმა
. დომენტი კათოლიკოსმა

20. რაში გამოიხატა ვენის კონგრესზე მის მონაწილე სახელმწიფოთა შორის არსებული წინააღმდეგობები?
. საფრანგეთის, ავსტრიისა და დიდი ბრიტანეთის საიდუმლო კავშირის შექმნაში
. პრუსიის, საფრანგეთისა და რუსეთის მიერ საღვთო ლიგის ჩამოყალიბებაში
. რუსეთის, ავსტრიისა და საფრანგეთის მიერ კოალიციის აღდგენაში
. საფრანგეთის, დიდი ბრიტანეთისა და რუსეთის ანტანტაში გაწევრიანებაში

21. რომელ ქვეყანაში დასრულდა წარმატებით რევოლუცია 1848 წელს?
. საფრანგეთში
. უნგრეთში
. პრუსიაში
. რუსეთში

22. XIX საუკუნის 20-იან წლებში ქართველ მოღვაწეთა ნაწილი ქმნის საიდუმლო ჯგუფებს, რომელთა მიზანიც საერთო ქართული აჯანყების მოწყობა იყო. რატომ ჩამოყალიბდა პირველი ასეთი ჯგუფი პეტერბურგში?
. ეს ქალაქი წარმოადგენდა იმპერიის პოლიტიკურ ცენტრს და აჯანყების დაწყება აქ ჯობდა
. ამ ქალაქში მცხოვრებ ქართველ ბატონიშვილთა წრეში გაჩნდა აჯანყების იდეა
. ეს ქალაქი ახლოს იყო საზღვართან და ადვილი იყო კავშირის დამყარება ევროპასთან
. ამ ქალაქის მმართველობაში ქართველებს მაღალი თანამდებობები ეკავათ

23. რაში გამოიხატა XIX საუკუნის 40-იან წლებში კავკასიაში მმართველობის სისტემის რეფორმირება?
. საქართველო-იმერეთის გუბერნიის შექმნაში
. ტფილისისა და ქუთაისის სამოურავოების ჩამოყალიბებაში
. საქართველოს ავტონომიური მხარის დაფუძნებაში
. აჭარისა და აფხაზეთის ოლქების დაარსებაში

24. სხვა ფაქტებთან ერთად, რა მიუთითებდა XIX საუკუნის შუა ხანებში რუსეთის იმპერიის კრიზისზე?
. აჯანყებები სამხრეთ კავკასიაში
. სახელმწიფო სათათბიროს დათხოვნა
. ყირიმის ომში დამარცხება
. იმპერატორის მკვლელობა

25. იტალიის ისტორიასთან დაკავშირებულ რა მოვლენას ეწოდება რისორჯიმენტო?
. პაპის მიერ საერო ძალაუფლების მოპოვებას
. ბრძოლას ქვეყნის გაერთიანებისთვის
. მეცნიერებისა და ხელოვნების აღორძინებას
. ქვეყნიდან მუსლიმთა განდევნას

26. რომელი დოკუმენტის საფუძველზე მიეცა კომუნისტურ პარტიას საქართველოში ლეგალურად საქმიანობის უფლება 1920 წელს?
. სახელმწიფოში მოქმედი კონსტიტუციის
. საბჭოთა რუსეთთან დადებული ხელშეკრულების
. დამფუძნებელი კრების გადაწყვეტილების
. საერთაშორისო სამართლის კონვენციის

27. რომელი მსჯელობაა მართებული ვერსალის ზავთან დაკავშირებით?
. საზავო პირობები მეტ-ნაკლებად მისაღები იყო ყველა მხარისთვის და ამან უზრუნველყო მშვიდობა შემდგომი ნახევარი საუკუნის მანძილზე
. გამარჯვებულებმა გამოიყენეს ხელსაყრელი ვითარება და ზავის საბოლოო ტექსტში შეცვალეს ერთა ლიგაში განხილული პირობები
. საერთაშორისო ორგანიზაციების აქტიურმა მონაწილეობამ საზავო მოლაპარაკებებში მნიშვნელოვნად განაპირობა ზავის სამართლიანობა
. დამარცხებულთათვის წაყენებულმა ძალიან მძიმე პირობებმა გარკვეულწილად განაპირობა შემდგომში ახალი მსოფლიო ომის დაწყება

28. II მსოფლიო ომის დროს განხორციელებულ რომელ სამხედრო ოპერაციას ეწოდებოდა ოვერლორდი“?
. ანტიჰიტლერული კოალიციის მონაწილე სახელმწიფოების სამხედრო ნაწილების გადასხმას ჩრდილოეთ საფრანგეთში
. იალტის კონფერენციის მონაწილე ყველა სახელმწიფოს სამხედრო ქვედანაყოფების შეჭრას სიცილიასა და აპენინის ნახევარკუნძულზე
. ანტიკომინტერნული პაქტის წევრი სახელმწიფოების სამხედრო შენაერთების მიერ პლაცდარმის შექმნას ბალკანეთზე
. პოტსდამის კონფერენციის გადაწყვეტილებების საფუძველზე შექმნილი გაერთიანებული ძალების მიერ აღმოსავლეთ ევროპის დაკავებას

29. რომელი მსჯელობაა მართებულივარშავის პაქტისორგანიზაციის დაშლასთან დაკავშირებით?
. ორგანიზაციის დაშლას ხელი შეუწყო პრეზიდენტ ტრუმენის მიერ ვარსკვლავური ომების დოქტრინის წამოყენებამ
. ორგანიზაციის დაშლა გამოიწვია განვითარებად ქვეყნებში დაწყებულმა ეროვნულ-გამათავისუფლებელმა მოძრაობამ
. ორგანიზაციის დაშლა მნიშვნელოვანწილად განაპირობა აღმოსავლეთ ევროპის ქვეყნებში სოციალისტური რეჟიმების დამხობამ
. ორგანიზაციის დაშლა საბჭოთა კავშირში ხრუშჩოვის მიერ განხორციელებული დემოკრატიზაციის შედეგი იყო

30. დაალაგეთ ქრონოლოგიურად ძველი საბერძნეთის ისტორიასთან დაკავშირებული პიროვნებები მათი მოღვაწეობის დროის მიხედვით:
1. პერიკლე
2. კლისთენე
3. სოლონი

31. დაალაგეთ ქრონოლოგიურად XVII საუკუნის ინგლისის ისტორიასთან დაკავშირებული მოვლენები:
1. კრომველის ერთპიროვნული მმართველობის ანუ პროტექტორატის დაწესება
2. „ახალი ნიმუშისანუახალი მოდელისარმიის ჩამოყალიბება
3. ინგლისის რესპუბლიკად გამოცხადება

32. დაალაგეთ ქრონოლოგიურად XIX საუკუნის საქართველოში მომხდარი მოვლენები:
1. ქართული თეატრის აღდგენა
2. სათავადაზნაურო ბანკის დაარსება თბილისში
3. რუსეთის ხელისუფლების მიერ გურიის სამთავროს გაუქმება


პასუხები
1.
2.
3.
4.
5.
6.
7.
8.
9.
10.
11.
12.
13.
14.
15.
16.
17.
18.
19.
20.
21.
22.
23.
24.
25.
26.
27.
28.
29.
30. 3  2  1
31. 2  3  1
32. 3  1  2








 დიდი გეოგრაფიული აღმოჩენები



Комментариев нет:

Отправить комментарий