იერუსალიმის კოლონიის აღაპები

ჯვარის მონასტრის აღაპები ტიშენდორფისეული ნუსხის მიხედვით

1. ჴორციელისა პარასკევსა მწუხრი პანაშჳდი ძმათაჲ. 

2. ჴორციელისა შაბათსა წირვაჲ და აღაპი ძმათავე. 

3. ჴორციელისა კჳრიაკესა წირვაჲ და აღაპი და პანაშჳდი საუკუნოჲ გ(რი)გ(ო)ლი დრანდელისაჲ. შეუნდვენ ღმერთმან. 

4. ჴორციელსა ორშაბათსა პანაშვიდი ბე[ქა]სი, შეუნდვნეს ღმერთმან.

5. ყველიერისა ორშაბათსა პანაშჳდი ცოტნე ქველივაჲს ძისაჲ, შეუნდვენ ღმერთმან.

6. ყველიერისა შაბათსა წირვა და აღაპი ბარათას, შეუნდვენ ღმერთმან.

7. სამშაბათსა აღაპი მისისა ძმისა საღირისი, შეუნდვენ ღმერთმან.

8. ყველიერისა ხუთშაბათსა აღაპი მამისა პროხორესი, შეუნდვენ ღმერთმან.

9. ყველიერისა შაბათსა წირვაჲ და აღაპი საუკუნოჲ და პანაშჳდი საღირ გარეყანის ძისაჲ, შეუნდვენ ღმერთმან.

10. ყველიერისა კჳრიაკესა წირვაჲ და აღაპი საუკუნოჲ მოლაჰრეთ უხუცესისა მჴეცის ძისაჲ ბეშქენესი, შეუნდვენ ღმერთმან.

11. თევდორობად აღაპი კახას შვილისა გამრეკლისა, შეუნდვენ ღმერთმან.

12. შაბათსა თეედორობისასა აღაპი დავით მეფისაჲ, შეუნდვენ ღმერთმან.

13. პირველსა კჳრიაკესა წმიდათა მარხვათასა წირვა და აღაპი საუკუნო კოსტანტინ(ე)ს შვილისა ალექსანდრესი, შეუნდვენ ღმერთმან.

14. პირველსა კჳრიაკესა წმიდათა მარხვათასა წირვა და აღაპი საუკუნოჲ და პანაშჳდი აფრიდონის ძისა არსლანისი, შეუნდვენ ღმერთმან.

15. მეორესა შაბათსა წმიდათა მარხვათასა წირვაჲ და აღაპი საუკუნოჲ დუდაჲსი ღლტის ძისაჲ ასულისაჲ, შეუნდვენ ღმერთმან.

16. მეორესა კჳრიაკესა წმიდათა მარხვათასა წირვაჲ და აღაპი საუკუნოჲ დ(ავი)თ მეფისაჲ, რუსუდანის შვილისაჲ, შეუნდვენ ღმერთმან.

17. მესამესა შაბათსა წმიდათა მარხვათასა წირვაჲ და აღაპი საუკუნოჲ გ(იორგ)ის შვილისა მარუშიანისა ფალქოზის ძისაჲ, შეუნდვენ ღმერთმან. 

18. მესამესა კჳრიაკესა წმიდათა მარხვათასა წირვაჲ და აღაპი საუკუნოჲ ვარდან გაზნის ძისა და მისისა მეუღლისა თაბაჲსი, შეუნდვენ ღმერთმან. 

19. ამასვე დღესა წირვაჲ და აღაპი ბექას(ა)ჲ. 

20. მეოთხესა შაბათსა წმიდათა მარხვათასა წირვაჲ და აღაპი საუკუნოჲ გ(იორგ)ი ჯავესიანისაჲ, შეუნდვენ ღმერთმან. 

21. მეოთხესა კჳრასა აღაპი ბერისა ძისა [გ(ა)ლინ(ო)ზ(ისა)]. 

22. მეოთხესა კჳრიაკესა წმიდათა მარხვათასა წირვაჲ და აღაპი საუკუნოჲ და პანაშჳდი ჯავახისა ჭილაჲს ძისაჲ, შეუნდვენ ღმერთმან. 

23. მეხუთესა შაბათსა წმიდათა მარხვათასა წირვაჲ და აღაპი საუკუნოჲ მიქაელ, ჴუედისჯურელისა, შეუნდვენ ღმერთმან. 

24. მეხუთესა კჳრიაკესა წმიდათა მარხვათასა წირვაჲ და აღაპი საუკუნოჲ ივანე ღჳნაჲს ძისაჲ, შეუნდვენ ღმერთმან. 

25. ლაზარობისა შაბათსა წირვაჲ და აღაპი საუკუნოჲ ცოტნესი და ნათელისი, შეუნდვენ ღმერთმან. 

26. მეხუთესა ოთხშაბათსა პანაშჳდი გ[რი]გ[ო]ლის ძმისა მ(ი)ქ(აე)ლი[სი], შეუნდვენ.
27. ბაიაობასა დღესა წირვა და (ა)ღაპი [ერისთავ(თ)].., (ნიკოლო)ზისა, კარსა დალოცვა, შეუნდვნეს ღმერთმან. სადამდისცა ჯუარის სახლი ეგოს ... რა ე... ნ ბრ...) 

28. კჳრიაკესა ბაიაობისასა წირვაჲ და აღაპი საუკუნო მეფეთ-მეფისა გ(იორგ)ისი,  საუკუნომცა არს საჴსენებელი მისი. 

29. კჳრიაკესა ბაიაობისასა წირვაჲ და აღაპი საუკუნოჲ შაჰანშაჲსი, შეუნდვენ ღმერთმან. 

30. დიდსა ხუთშაბათსა წირვაჲ და აღაპი საუკუნოჲ ვარდან დადიანისა და დედისა მისისა აგუტისაჲ, შეუნდვენ ღმერთმან.

31. ამასვე დღესა აღაპი მარიამისი, შეუნდვენ ღმერთმან.

32. დიდსა აღვსებასა წირვაჲ და აღაპი საუკუნოჲ გ(რი)გ(ო)ლ ფანასკერტელისაჲ, შეუნდვენ ღმერთმან.

33. აღვსებასა დღესა წირვა და აღაპი საუკუნო მა... შეუნდენეს ღმერთმან.

34. აღვსებისა ორშაბათსა წირვაჲ და აღაპი საუკუნოჲ საღირ გობოჲს ძისაჲ, შეუნდვენ ღმერთმან.

35. აღვსებისა სამშაბათსა წირვაჲ და აღაპი საუკუნოჲ ივანე გობოჲს ძისაჲ, შეუნდვენ ღმერთმან.

36. აღვსებისა ოთხშაბათსა წირვაჲ და აღაპი საუკუნოჲ საღირ ლაშხ(ა)ჲს შვილისაჲ, შეუნდვენ ღმერთმან.

37. დიდსა შაბათსა აღაპი სააკისი.

38. და აღდგომასა აღაპი ხალილისი, შეუნდვნეს ღმერთმან.

39. აღვსებისა შაბათსა წირვაჲ და აღაპი საუკუნოჲ შ(ა)ჰ(ა)ნშ(ა)სი შეუნდვენ ღმერთმან.

40. აღვსებისა ხუთშაბათსა წირვაჲ და აღაპი საუკუნოჲ ფსიტაჲსაჲ და მეუღლისა მისისა ნათელისი, შეუნდვენ ღმერთმან.

41. აღვსებისა პარასკევსა წირვაჲ და აღაპი საუკუნოჲ ყუნდოს ჭახუბის ძისაჲ, შეუნდვენ ღმერთმან.

42. ახალ კჳრიაკისა შაბათსა წირვაჲ და აღაპი საუკუნოჲ და პანაშჳდი ლიპარიტ ქვეშელისაჲ, შეუნდვენ ღმერთმან.

43. ახალ კჳრიაკესა წირვაჲ და აღაპი საუკუნოჲ ხუაშაჲსი ჭიაურთაჲსაჲ, შეუნდვენ ღმერთმა[ნ].

44. მეორესა ორშაბათსა ზატიკთასა პანაშჳდი თოვლაჲსი, გ(იორგ)ი ფალქოზის ძისა მეუღლისაჲ, შეუნდვენ ღმერთმან.

45. [მეორესა] სამშაბათსა წირვაჲ და აღაპი საუკუნოჲ ქობულისძისა აღბუღაჲსი და მისის მეუღლისა თამარისი, შეუნდვენ ღმერთმან. 

46. მეორესა ხუთშაბათსა ზატიკთასა წირვაჲ და აღაპი საუკუნოჲ ნათელ ქუა\ბულის ძისა ასულისაჲ. 

47. მეორესა შაბათსა ზატიკთასა წირვაჲ და აღაპი საუკუნოჲ ცოტნე აფაქის ძისაჲ ჩხაგუს შვილისაჲ, შეუნდვენ ღმერთმან. 

48. მენელსაცხებლეთა კჳრიაკესა წირვაჲ და აღაპი საუკუნოჲ იობ ბეთლემაჲსა ბიძაჲსჲ, შეუნდვენ ღმერთმან. მწუხრი პანაშჳდი იოსებ ხაფლაჲსი, შეუნდვენ ღმერთმან. 

49. მეოთხესა ორშაბათსა ზატიკთასა პანაშჳდი შალვა ქუაბულის ძისაჲ, შეუნდვენ ღმერთმან. 

50. სამშაბათსა მენელსაცხებლეთა პანაშჳდი ლაშხის შვილთა მიქაელისი და გ(იორგ)ისი,  შეუნდვენ ღმერთმან. 

51. შუა ზატიკსა აღაპი შანშას ასულისა, მამას-დედას შეუნდვენ. 

52. მეოთხესა პარასკევსა ზატიკთასა პანაშჳდი ნიორაჲს ძისა მარუშიანისაჲ, შეუნდვენ ღმერთმან. 

53. მეოთხესა შაბათსა ზატიკისასა წირვაჲ და აღაპი საუკუნოჲ ხაჟიკ ყოფილისა ზოსიმესი, შეუნდვენ ღმერთმან. 

54. მეოთხესა კჳრიაკესა შობითგან ბრმისა წირვაჲ და აღაპი საუკუნოჲ ნოით ფალქოზის ძისა გ(იორგ)ისი, შეუნდვენ ღმერთმან.

55. ახალ კჳრიაკესა ორშაბათსა ..., გაუჩინეთ საუკუნო აღაპი ... შვილსა პიპა[ს], შეუნდვენ ღმერთმან.

56. ამაღლებად წირვაჲ და აღაპი საუკუნოჲ სპასალარისა ყუარყ[უ]არასაი და მწუხრი პანაშჳდი მისივე, შეუნდვენ ღმერთმან.

57. ქრისტეს შობისა მეორესა დღესა აღაპი ზედგინიძისა ჯანიბე[გისა].
58. გაუჩინეთ ჩ(უე)ნ ჯ(უა)რის მამამან ნიკიფორემ, ეპისკოპოზმან თეოდოსიმ და სრულობით  ძმათა ბატონს გურიელს პატას და თანამეცხედრესა მათს.

59. მეხუთესა პარასკევსა ზატიკთ(ა)სა პანაშჳდი ტაიბუღა აფაქის ძისაჲ, შეუნდვენ ღმერთმან.

60. მეხუთესა შაბათსა წირვაჲ და აღაპი საუკუნოჲ კუჭეჭის ძისაჲ ქველისაჲ, შეუნდვენ ღმერთმან.

61. სამარიტელისა კჳრიაკესა წირვაჲ და აღაპი საუკუნოჲ მახუჯაგიანისა ივანესი და მწუხრი პანაშჳდი მისივე, შეუნდვენ ღმერთმან.

62. სამშაბათსა წირვაჲ და აღაპი საუკუნო გრიგ(ო)ლ ფ(ა)ნ(ა)სკ(ე)რტ(ე)ლ(ი)სა.
63. სამარიტელისა ოთხშაბათსა წირვაჲ და აღაპი საუკუნო ერისთვისა შ(ა)ლვ(ა)ს ქენიფნვ(ე)ლსა, შვილსა პიპასი და მისისა მეუღლ[ი]სა თამარისი, შეუნდვენ ღმერთმან, და ვი[ნ]ცა შეცვალოს, კრულმცა.

64. ამაღლებასა წირვაჲ და აღაპი საუკუნოჲ თამარ მამლაქნის ძისა ასულისაჲ, შეუნდვენ ღმერთმან.

65. პარასკევსა შემდგომად ამაღლებისა პანაშჳდი გობოჲს ძეთა მიცვალებულთაჲ: ზჳადისაჲ, ივანესი, კუეჭესი, ბეშქენისი და სარგისისი, შეუნდვენ ღმერთმან.

66. შაბათსა შემდგომად ამაღლებისა წირვაჲ და აღაპი საუკუნოჲ ბასილი ბუეღუეს ძისა, შეუნდვენ ღმერთმან.

67. ე კჳრიაკესა შემდგომად ამაღლებისა წირვაჲ და აღაპი საუკუნოჲ საბა აბაზას ძისაა, შ(ეუნდვე)ნ [ღმერთმან].

68. სულისა წმიდისა მოსლვისა წინა შაბათსა აღაპი პანაჰშჳდითა ორისა ხუცისა წირვითა საღირ ყოფილისა საბა მიმც(ა)ჲს ძისა.

69. სულისა წმიდისა მოს[ლ]ვისა კჳრიაკესა წირვაჲ და აღაპი ღ(მრ)თივ გჳრგჳნოსნისა მეფეთ მეფისა დიდისა გ(იორგ)ის დედისა [და] მე[უ]ღლი[სა] მისსა მესაჲ(?), შეუნდვენ ღმერთმან.

70.  ... წირვაჲ და აღაპი საუკონოჲ გ(რი)გ(ო)ლ [ფა]ნაკერ[ტელისა].

71. ორშაბათსა სულისა წმიდისა მოსლვისასა წირვაჲ და აღაპი შოთაჲსა მეჭურჭლეთ უხუცესისაჲ, შეუნდვენ ღმერთმან.

72. სულისა წმიდისა სამშაბათსა აღაპი საუკუნო ერისთავთ ერისთავისა ღობიარისა გამრეკელისა, შეუნდვენ ღმერთმან. და წირვა მასვე დღეს საუკუნო გამრეკლისავე.

73. ხუთშაბათსა სულისა წმიდისა მოსლვისასა წირვაჲ და აღაპი საუკუნოჲ ჩარგაზ აფაქის ძისაჲ და ბედანისა ასულისა ნათელისი, შეუნდვენ ღმერთმან.

74. ყოველთა წმიდათა კჳრიაკესა წირვაჲ და აღაპი საუკუნოჲ აბულეთის ძისა, [ძაგანისი].

75. თქუენ მაწყუჱრელმან მთავარებისკოპოსმან და ჯუარისა მამამან პიმენ, თქუენითა საფასითა ვენაჴი იყიდეთ ცხ̃რშაულისა ბოლოსა და შემოსწირე ჯუარისა პატიოსნისა მონასტერსა თქუენთაჲ დედა-მამათა, თქუენთაჲ ძმათა და თქუენისა სულისა სამლოცველოდ, და ჩუენ გავიჩინეთ ჯუარისა მამამან იოანე მოძღუარმან და კანდელაკმან და აღდგომელ(ა)მან და სრულად საღ(მ)თომან კრებულმან ძმათა და დათა: სახარებასა და სჳნაქსარსა ზედა დალოცვა. თქუენნი დედა-მამანი და თქუენნი ძმანი და თქუენ ილოცვებოდეთ სახარებასა და სჳნაქსარსა ზედა, შ(ეუნდვნე)ს ღმერთმან და შეგინდნეს ღმერთმან. ამისნი გამათავებელნი ღმერთმან აკურთხნეს. 

76. სულსა მეფეთ მეფესა ალექსანდრეს შეუნდვენ ღმერთმან. 

77. სულსა ზედგინიძე ჯანიბეგისა, შეუნდვენ ღმერთმან. 

78. სულსა ზედგინიძესა ავთანდილს შეუნდვენ ღმერთმან. და მისსა მეუღლესა გ(უ)ლშარს შეუნდვენ ღმერთმან. 

79. ზედგინიძეს მამისასა შეუნდვენ ღმერთმან. 

80. მისსა ძესა ზედგინიძესა თაყასა შეუნდვენ ღმერთმან. 

81. სულსა ალექსა[ნდრეს] მეუღლესა დედოფლისა თ(ა)მ(ა)რს შეუნდვენ ღმერთმან. 

82. ბედიელსა მელიქზედეგს შეუნდვენ ღმერთმან. 

83. ამირეჯიბისა მეუღლესა რუსასა შეუნდვენ ღმერთმან. 

84. გაუჩინეთ ჩუენ ჯუარის მამამან ნიკიფორემ, ეპისკოპოსმან თეოდორემ და სრულობით ძმათ ბატონს გურიელს პატას და თანამეცხედრესა მათსა ბატონს მარიამს ქორთო[ძ]ის ასულსა აღაპი, დიდს ხუთშაბათს გარდაიჴდიდენ. ასი მარჩილი მოგუცა. და ვინც დააკლოს და არ გადაიხადოს, რისხავმსცა მამა, მე და სული წმიდაჲ და ყოველნი წმიდანი ღ(მრთ)ის(ა)ნი. ა{მი}ნ. 

85. გავაჩინეთ ამილახორისა იმარინდოსთ(ჳ)ს მესმასა ზედა საუკუნოდ დალოცვა, და წმიდასა ბ(ა)სილის დღესასწაულსა მწუხრსა აღაპი მისთ(ჳ)სვე. და მეორესა დღესა მისისა მეუღლისა თამარისთ(ჳ)ს წირვა და აღაპი საუკუნო, და გესამანიას ერთი კანდელი ენთებოდეს ამილახორისათჳსვე. და წმიდისა ბასილის მონასტერი მოვაჴსენეთ მას და მისთა ნათესავთა. 

86. გაუჩინეთ ჩუენ, ჯუარისა მამამან და ერთსულობით საღ(მრთ)ომან კრებულმან, ჭილასძესა ბედანის და მისსა მეუღლესა კანდაკეს ორი საუკუნო აღაპი აღდგომისა პარასკევსა და აღდგომისა შაბათსა. ორნიცა მონაზონნი იყვნენ ჯუარისა სასლსა შინა, ვერავინ დააკლოს. 

87. ქრისტეს შობისა წინა კჳრიაკესა მამათმთავართა დღესასწაულსა გაუჩინეთ საუკუნო აღაპი ყალანდარსა. 

88. სულსა ჯუარისა კანდელაკსა ნიკოდიმეს და მისთა დედა-მამათა შეუნდვნეს ღმერთმან. 

89. გაუჩინეთ ჩუენ, ჯუარის მამამან და არჰიმადრიტმან ნიკიფორემ და ეპისკოპოზმან თეოდოსემ და მღრდელ-მონაზონმან მარკოზ და სულობით ძმათა კრებულთა, კურთხეულსა გურიელსა ვახტანგს აღაპი ბზობისა დღესა, და ვინცა მოშალოს, რისხავმსცა ღმერთი და ყოველნი მისნი წმიდანი. 

90. სახელითა ღ(მრთის)ა მამისა, ძისა და სულისა წმიდისათა, შეწევნითა პატიოსნისა და ცხოველსმყოფელისა ჯუარისა და შეწევნითა ყოვლად წმიდისა ღ(მრთ)ის მშობელისათა და ყოველთა  წმიდათა ღ(მრთ)ისათა ჩუენ, ჯუარელთა ძმათა და დაჲთა და სრულიად საღ(მრ)თ(ო)მან კრებულმან, დავდევით ესე წიგნი პატრონსა ათაბაგსა მზეჭაბუკს კურთხეულისა მათის ძმისა ქაიხოსროს სულისა სამლოცველოდ. დიადი საქონელი გამოეგზავნა მათისა გაზრდილისა ამბროსეს ჴელითა. და მთაჲწმიდას და სრულად საბერძნეთშიგან მრავალი გაეცა, აგრევე ამა საუფლოთა და წმიდათა ადგილთა მოიღო: ას ფლურად ერთი დიდი ყანა იყიდა. გ კჳრიაკესა მარხვათასა აღაპი გაუჩინეთ, მწუხრს -- პანაშჳდითა, წირვითა და ტრაპეზის დაგებითა ყოველთა წელიწადთა დაუკლებლად. ვინ არა გარდაიჴადოს და დააკლოს, ღმერთმან იგი დააკლოს სასუფეველსა. აგრევე ასი ფლური ნაღდი მოგუცა, ხაზნაშიგან ჩავდევით. მისთვის ერთი კანდელი დავკიდეთ, სამარადისოდ ენთებოდეს და ზეთი ამა ჯუარის მონასტრისაგან მიეცემოდეს, ვიდრე ესე მონასტერი იყოს, არა მოიშალოს. აგრევე ერთი ვერცხლის ბარძიმი შემოსწირეს საპატიო და თეფში ვერცხლისავე. 

ლ ფლური სხუაჲ ჩასაწერლად და შენდობაჲ ითქმოდეს დაუკლებლად. პატრონსა ქაიხოსროს შეუნდვნეს ღმერთმან, ძმათა და დაჲთაჲცა მრავალი მოგუცს ცალკე, შ(ეუნდვე)ნ ღმერთმან. აგრეთვე ესე ყულაი მისის ყმის ამბროსეს ჴელითა ისაქმა და მოგჳვიდა და ერთი თასი შემოსწირა ჯუარს პატიოსანსა, და კოსრომელი ჰკრა და ერთი ჴარი იყიდა სამეჴრეოსა საპატიო და ამა ყულ(ა)ჲსათჳს მატიანეშიგან ჩავწერეთ და მოსაჴსენებელშიგან ამბროსეს და მისთ  შეუნდვეს ღმერთმან, თხუთმეტი ფლური შესავლად მოგუცა. 

91. ჩუენ, ჯუარისა მამამან და სრულად მონასტერმან, გაუჩინეთ გაბელის ძესა ამირეჯიბსა რამინს ყოველთა მოციქულთა მარხვათა შიგან პანაშჳდი წესითა, რომე რასთენჯერცა თავსა ეკლესიასა შინა იწირვოდეს, ტრაპეზისაგან სამონასტრო პური და ღჳნო შემოიღებოდეს საყდარსა წირვაზედა და ამირეჯიბისა რამინისთჳს შენდობასა იტყოდენ ყოველნივე. ესე საუკუნოდ გაუჩინეთ, ამისნი გამთავებელნი ღმერთმან აკურთსნეს, ას და ხუთი ძუელი ფლური გამოეგზავნა. 

92. გაუჩინეთ ჩუენ, ჯუარის მამამან ნეოფიტემ, გ(იორგ)ი ლიპარიტელსა და თანამეცხედრესა მის{}სა ნესტან დარეჯანს ჭილაძის ასულსა საუკუნოდ აღაპი წმიდისა გიორგისა დღესასწაულსა, და ვინცა შესცვალოს რისხავსმცა ღმერთი და ყოველნი მისნი წ(მიდა)ნი. სანწკუ  შემოსწირა და მისად სამუქფოდ გაუჩინეთ წირვა და აღაპი, [ქ{რონი}]კ{ონ}სა ტჱ. 

93. სახელითა ღ(მრთისა)ჲთა და მინდობითა პატიოსნისა ჯუარისაჲთა ჩუენ, ჯუარისა მამამან ი(ოან)ე და კრებულმან, ერთსულობით გაგიჩი[ნეთ] უმეტესსა ზედა კურთხეულარსსა, სახარებასა და სამოციქულოსა ზედა დალოცვაჲ იქ(უე)ნ, ზედგინიძეს ავთანდილსა და თქ(უე)ნსა მეუღლესა გულშარს. ამისთჳს მომ{ი}ხდა სრული ფასი და ვენაჴი ანჯაუთს ასოთხმოცდა სამი ფლური ნასყიდ და არა მოგეშალოს, სადამდინ ესმ მონა(ს)ტერი ეგოს. თუ ორნიცა მონაზონი იყოს, ამა ჯ(უარ)ისა მადლმან. 

94. გაუჩინეთ ჩ(უე)ნ, ჯუარისა მამამან ნიქოზელმან დანიელ და კანდელაკმან და ერთსულობით ძმათა, გოხასძესაჲ ელემპიასაჲ დიდათა მარხუაშ(ინ)აჲ შაბათ-კუირიაკითა პანაშუიდი  სხუ(ა)თა მეპანაშუიდეთა თ(ან)ა, შ(ეუნდვნე)ს ღმერთმან, ა[მი]ნ. 

95. ყველიერისა სამშაფათსა წირვა და აღაპი საუკუნო დადიანისა ლიპარიტისაი, შეუნდვენ ღმერთმან. 

96. აღდგომისა სამშაფათსა აღაპი დადიან-გურიელისა ლომასი, შეუნდვენ ღმერთმან. 

97. ახალ კუირიაკისა სამშაფაჲთსა აღაპი ვაცას ძისა შოთასი, შეუნდვენ ღმერთმან. 

98. მენელსაცხებლეთა კირიაკესა მათისა დედისა ელენესი, შეუნდვენ. 

99. ...მახას ძესა არდაშ[ირს]-ყოფილსა ათანასე[ს] ... ას დღესა პანაშჳდი ნიკოლოზ-წმიდას გარდაიხადეს, რაოდენცა ძმანი იყვნენ, შენდობასა ...ნებდით. ათანასეს შ(ეუნდვე)ნ ღმერთმან. 

100. სახელითა ღ{მრთ}ისაჲთა მას ჟამსა ოდეს სულ[თ]...
101. დასა ჩ(უე)ნსა გესამანიელსა სალოცავი გაუჩინეთ გესამანელსა ნათ(ე)ლს. დაჭირებასა შიგან მოგუაჴმარა შუჲდასი თეთრი. ამა შუჲდასსა თეთრსა შიგან ასი თეთრი ჯორისა საფასოსა შიგან მოგუცა სამასი სამწიროსა და სამასი ჩ(უე)ნ მოგუაჴმარა, და ს(ა)ლ(ო)ც(ა)ვი გაუჩინეთ ყოველსა დღესა ნთ..სა ...იჴსენოს, (ვი)ნცა აჴსენოს, შ(ეუნდვე)ნ ღმერთმან. 

102. უძღებისა კჳრიაკესა ძმისა ჩ(უე)ნისა სოლ(ო)მ(ო)ნი ვ(ა)ჩიძორელისათჳს გარდაიჴდებოდეს, სამხრად ევ(ა)გრესი და მწუხრი პანაშჳდი ს(ა)ნთლითა მისითა, განგებითა საუკუნოდ, ვინცა შეუცვალოს, მისნიმცა ცოდვანი უზღვ(ე)ნ. ს(ო)ლომ(ო)ნს და მისთა მშობელთა ღმერთმან შ(ეუნდვე)ნ, ა{მი}ნ. 

102. მეორედ შეიკაზმა წმიდაჲ ესე და სულთა განმანათლებელი სჳნაქსარი ჴელითა ყოველთა კაცთა უცოდვილესისა გრიგოლისითა, მიეცინ სასყიდელი შრომისაჲ უფალმან და შეუნდვნეს ღმერთმან, ა{მი}ნ.

ჯვრის მონასტრის აღაპები

1. [თუესა სეკდენბერსა ვ] გაუჩინეთ ჩუენ, ჯუარის მამამან [ნი]კიფორემ, ეპისკოპოსმან თეოდოსემ და სრულად კრებულთა, მეფეთ მეფესა ალექსანდრეს და დედოფალთა დედოფალს ნესტან-დარეჯანს აღაპი და მოსახსენებელი. და ვინცა მოშალოს, იგიმცა მოიშლების.
2. [თუესა სეკდენბერსა ვ და ზ] ქ{რისტე}. ამასვე დღესა პანაშჳდი მიქაელ ქუთათელ[ი]სა საუკუნოჲ, გარდაიჴდებოდეს დ[ა]უკლებ[ე]ლად, და ვინცა დააკლოს, ღმერთმა[ნ] ჰკითხოს.
3. [თუესა სეკდენბერსა ზ] ამასვე დღე[სა] აღ[ა]პი მიქაელ [ა]ფხაზისაჲ.
4. [თუესა სეკდენბერსა ჱ] ამასვე დღესა აღაპი და პანაშჳდი ობედ ებნი სურურ ებნუ სალამ და გაუჩინეთ პანაშჳდი და წირვაჲ. შემოგუწირა რამლას მისი სახლი მეტოქედ სამლოცველად მისთა მშობელთათჳს და მისისა მეღლისათჳს. ღმერთმან ჰკითხოს, ვინცა შეცვალოს.
5. [თუესა სეკდენბერსა ჱ] მე უღირსი მამა ციდაშვილი სიმონა ვარ ამისი მოწმე. და ჩემსა მამობას შიგან იქმნა ამისი ძმობა და ამისთა აღმასრულებელთა [ღმერ]თმან მომადლოს [კუ]რთხევაჲ საუკუნოჲ და ჩუენ გაუჩინეთ საძმო სახლი ოცილობელი და ჰქონდეს ყოველსა ...
6. [თუესა სეკდენბერსა ჱ] მე ზოსიმე მოძღუარი მოწამე ვარ მამისა და ძმათა ბრძანებისა.
7. [თუესა სეკდენბერსა ჱ] სეკდენბერსა ჱ. აღაპი და წირვაჲ მანდატურთ უხუცესისა ბექასათჳს, რაო[დენ]ცა ხუცესი იყოს, ჟამი უწირონ.
8. [თუესა სეკდენბერსა ჱ] სეკდენბერსა ჱ. წირვა და აღაპი საუკუნო მეფისა დისა ულუმპიასი, შეუნდვნეს ღმერთმან.
9. [თუესა სეკდენბერსა ჱ] ამასვე დღესა წირვაჲ და აღაპი დავით მეფისა, შეუნდვნეს ღმერთმან.
10. [თუესა სეკდენბერსა ჱ] ამასვე დღესა აღაპი საუკუნოი პანაშჳდითა და, რავდენიცა ხუცესი იყოს, წირვითა და ყოველთა სიწ[მიდი]სა გარდმოს[ვე]ნებათა იოვანე და კახაბერ ... ჩამოლოცვითა. შემოსწირა მონასტერსა ორი ათასისა დრამა დიდსა დაჭ[ირება]სა შინა მონ[ასტრი]სასა ... რაჲსა ...სა მოღებ[ითა], [ვინცა] შეცვალოს, კანონსა ქუეშ[ე] იყოს და კ... შ^სა ს...
11. [თუესა სეკდენბერსა თ] ქ{რისტე}. სალამ ებნი ფარა, დარი შემოგუწირა რამლას და ჩუენ გაუჩინეთ სეკდემბერსა თ აღაპი და შეუნდვენ ღმერთმან.
12. [თუესა სეკდენბერსა თ] სეკდენბერსა თ. აღაპი და პანაშჳდი დიოფალთა დიოფალისა თამარ-ყოფილისა თომაიდასი. მისი წყალობაჲ დიდი მოვიდა, და ვინცა შეცვალოს და არ გარდაიჴადოს, კრულმცა არს ღმრთისა მადლითა, და გამათავებელნი ღმერთმან აკურთხნეს, ა{მი}ნ.
13. [თუესა სეკდენბერსა თ] ამასვე დღესა აღაპი მიქაელ ბედიელისა და წირვაჲ და აღაპი საუკუნოჲ მიქაელ გონგლიბაჲს ძისა ბედიელისაჲ პანაშჳდითა, შეუნდვენ ღმერთმან.
14. [თუესა სეკდენბერსა ია ] ამასვე დღეს პანაშჳდი აბუსერისძისა სიდედრისა ბორენასა, შეუნდვენ ღმერთმან.
15. [თუესა სეკდენბერსა იგ ] ამას დღესა ენკენიასა გავაჩინეთ აღაპი გრიგოლ მშჳდაისათჳს და მიცვალებულთა მისთათჳს. ერთ[ი] ხუცესი ეწირვებ[ო]დის და კარგი აღაპი გარდაიჴდებოდი[ს]. და ვინცა ესე ერთ[ობ] კრებ[უ]ლისა ნებსით დაწერილი და განწესებული აქცი[ოს] და შეცვალოს, შე-მცა-ც{}ვლილ არს სჯულისაგან ქრისტეანეთაჲსა, და ჰრისხავსმცა მამ[ა], ძე და სული წმიდაჲ და პატიოსანი ჯუარი, რომელსა [ზ]ედა ჯუარს ეცუა უფალი ჩუენი, და ვინცა შეც[ვალოს, ცამვთამცა? გ...ვს წინაშე ღმრთისა].
16. [თუესა სეკდენბერსა იგ ] თუჱსა სეკდენბერსა იგ. აღაპი გაუჩინეთ ჩუენ, მამამან ჯუარისამან ნიკიფორემ და ეპისკოპოზმან თეოდოსემ და ერთობილთა ძმათა, სეხნა მიქაძესა. მოგუცა ასი მარჩილი, და ვინცა არ გარ[დაიჴა]დოს და [დაა]კლოს, რისხავსმცა მამა, ძე და [სული წმიდაჲ, ა{მი}ნ].
17. [თუესა სეკდენბერსა იდ ] ჯუარის ამაღლებასა დღესა წირვა და აღაპი საუკუნო მეფეთ მეფისა გიორგისი, შეუნდვნეს ღმერთმან. თუ ორნიცა მოლაზ[ო]ნნი იყჳნენ, არ დ[ა]კლდეს. [ა]რქიმანდრიტმან მამამან ოსებ და მოძღუარმ[ან] და სრულად კრებულმან გაუჩინეთ.
18. [თუესა სეკდენბერსა იდ ] ამასვე დღესა აღაპი ივანე ქველ ივაჲსძისა შვილისა ბასილისაჲ. ავიღეთ ათას შჳდასი დრამაჲ მისისა ძმისა ტუღრნისა ჴელითა და სპარსთაგან დაჭირულნი ლეღუნარნი ამა ოქროროჲთა ! დავ[ი]ჴსენით. ვიდრემდისცა ესე მონასტერი წესსა ზედა ეგოს და შეუცვალოს შე-მცა-ცვალებულა სჯულისაგან ქრისტიანეთაჲსა.
19. [თუესა სეკდენბერსა იდ ] ამანვე დღესა აღაპი და პანაშჳდი ბაგრატ მეფისა, შეუნდვენ ღმერთმან.
20. [თუესა სეკდენბერსა იდ ] მოვიდა ნაუასძე ზოსიმე კუმურდოელი, მოიტანა საქონელი მისიცა და პატრონის მისისაცა ქეთაონ-ყოფილისაჲ ქრისტინესი და გულქანისი. მას ჟამსა ფრანგთა გოლგოთაჲ წაგუართუჱს და მან დაიჴსნა, ოთხასი ფლური გამოიღო, დიდი საქმე ქნა, და ერთი კანდელი გოლგოთას და ერთი ჯუარს დაუკიდეთ სამუდამო. ვინ მოშალოს, ღმერთმან მისი სული მოშალოს სასუფეველისაგან. პატრონსა ქრისტინეს შეუნდვნეს ღმერთმან. მისთჲ შვილთჲ იოთამს და გულქანს შეუნდვნეს ღმერთმან. ზოსიმე კუმურდოელსჲ და მისთა მიცვალებულთა ყოველთჲვე შეუნდვნეს ღმერთმან. მისსჲ ხუცესსა იოსებს შეუნდვნეს ღმერთმან.
21. [თუესა სეკდენბერსა იე] მე მამა იოსებ და სრულა კრებულმან გაუჩინეთ. მოვიდა კანდელაკის [ჴე]ლითა ას ოცი ფული აფაქის ძისა ჯავახ[ი]სა და მისის მე[უ]ღლ[ის] ბო[რე]ნი[ს]ა, გაუჩინეთ მე[სმასა] ზედა, [დიდ] დაჭირ[ე]ბისა ჟა[მ]სა მოგუ[ე]ხმარა, დი[დ]უღობასა ?. ვინცა და რამან[ცა კ]აცმან, [რ]ა ერთიცა მოლაზონი იპოებოდეს ჯუარისა სახლსა შიგან, რამანცა ესე სალოცავი დააკლოს, რჯულისამცა ქრისტიანობისა შეიცვალების, მათთმცა გაიკითხვის.
22. [თუესა სეკდენბერსა ივ] ამასვე დღესა წირვა და აღაპი საუკუნოჲ ივლიაჲს შვილისა მიქაელისა, შეუნდვენ ღმერთმან. ვინცა შეუცვალოს, კანონსამცა ქუჱშე არს.
23. [თუესა სეკდენბერსა ით] ჯუარის პატიოსნისა ტრაპეზისა მეორედ სრულობით აღმაშენებელსა და იოვანე მახა\რებლისა საყდრისა მეორედ აღმაშენებელსა, ამაღლებელსა კუმურდოველსა სერაპიონს შეუნდვნეს ღმერთმან.
24. [თუესა სეკდენბერსა კ] ამასვე დღესა წირვაჲ და აღაპი საუკუნოჲ ბექასა შვილისა შალვაჲსი, შეუნდვენ ღმერთმან.
25. [თუესა სეკდენბერსა კვ] ამასვე დღესა წირვაჲ და ა[ღ]აპი და [პა]ნაშჳდი საუკუნოჲ ამაშუკელისა ვაჩეს მეუღლისაჲ ვანენისი. შეუნდვენ ღმერთმან.
26. [თუესა სეკდენბერსა კდ] გაუჩინეთ ჩუენ, ჯუარის მამამან ნიკიფორემ და სრულობით ერთობილთ ძმათა, აღაპი {ს}ულკურთხეულსა ზალლ ღოღაბერიძეს, და ვინც დაკლოს, ღმერთმან იგი დაკლოს წყალობისა ღმთისაგან და რისხავმცა მამა, ძე და სული წმიდაჲ, ა{მი}ნ.
27. [თუესა სეკდენბერსა კდ] ამასვე დღესა აღაპი თურგლა ბიჭილა გიაისა მეუღლისა ბორენაჲსი, რავდენიცა ხოცესი იყოს ჟამის წირვითა, მოგუცა ათასი დრამაჲ. ვინცა შეუცვალოს, შემცა-ცეალებულ არს შჯუ\ლისაგა[ნ] ქრისტეანეთასა. სა[პა]ნაშუი[დეც]ა მოგუცა ხუთასისა დრამისაჲ და ვინცა პანაშჳდსაცა არა გარდიჴდიდეს, ჰრის[ხვმცა მამა, ძე და სული წ{მიდა}ჲ]. მეორესა მოსულასა კუალადცა შემოსწირეს ხუთასი თეთრი საპურედ, ღმერთმან შეუნდვენ.
28. [თუესა სეკდენბერსა კვ] სეკდენბერსა კვ. იოვანე მახარებლისა დღესასწაულსა წირვაჲ და აღაპი მეფეთ მეფისა გიორგისი, საუკუნომცა არს საჴსენებელი მათი, ა{მი}ნ.
29. [თუესა სეკდენბერსა კვ] ამასვე დღესა აღაპი თურგლა ბიჭილა გიანისაჲ. რაზომიცა ხუცესი იყოს, ჟამისი წირვითა. მოგუცა ათასი დრამაჲ. ვინცა შე[ს]ცვალოს, შე-მცა-ცვალებულ არს შჯუ[ლი]საგან ქრისტე\ანეთასა, საპანაშუდეცა მოგჳცა ხუთასისა დრამისაჲ და ვინცა პანაშჳდსაცა არ გარდიჴდიდეს, ჰრისხავსმცა მამაჲ, ძე და წმიდაჲ სული.
30. [თუესა სეკდენბერსა კვ] სეკდენბერსა კვ. წირვაჲ და აღაპი ნათელ დედოფალისაჲ, შეუნდვენ ღმერთმან.
31. [თუესა სეკდენბერსა ლ] ამასვე დღესა წირვაჲ და აღაპი საუკუნოჲ შანშას ძმისა აღბუღაჲსი, შეუნდვენ ღმერთმან.
32. [თუესა ოკდონბერსა ა] ამასვე დღესა წირვაჲ და აღაპი საუკუნოჲ შანშაჲს ძმისა ვაჰრამისი, შეუნდვენ ღმერთმან.
33. [თუესა ოკდონბერსა გ] ამასვე დღესა წირვაჲ და აღაპი საუკუნოჲ ვარდან ფავნელისაჲ, შეუნდვენ ღმერთმან.
34. [თუესა ოკდონბერსა დ] ქ{რისტე}. ამასვე დღესა აღაპი ამირეჯიბისა ზაქ[ა]რიასჲ, ღმერთმან შეუნდვენ.
35. [თუესა ოკდონბერსა ე] ა[მასვე დღესა] ... [გ{იორგ}ი] ხარა[ზი]ს{ა}ჲ. პანაშჳდი.
36. [თუესა ოკდონბერსა ვ] ამასვე დღესა წირვაჲ და აღაპი საუკუნოჲ ძმისა ჩუენისა გიორგი ხარაზისაჲ. შეუნდვენ ღმერთმან. და ვინცა შეცვალოს, შე-მცა-ცვალებულ არს შჯულისაგან ქრისტეანეთაჲსა.
37. [თუესა დეკენბერსა ე] საბაობისა დღესა გაუჩინეთ წირვა და აღაპი მაკარიძესა სამადავლეს, მისმან მეუღლე-ყოფილმან ფოტინე მოგუცა ათასი დრამაჲ სადამდისცა ესე მონასტერი ეგოს, თჳ[თ] ერთიცა ქართველი იყოს, ნუ ვინ დაკლებს, გარდაიჴდიდეს ამა დღესა. და ვინცა არ დააკლოს, სასუფეველი ღმერთმან მას ნუ დააკლოს, ა{მი}ნ. მე მამამან ამა პატიოსნისა ჯუარისა, არქიმანდრიტმან იოსებ, მოძღუარმან გიორგი, ჭყონდიდელმან გიორგი და სრ...
38. [თუესა დეკენბერსა ე] ამასვე დღესა წირვაჲ და აღაპი საუკუნოჲ სარგისის ცოლისა თამარისი და მისისა დედისა ხათუთასაჲ, შეუნდვენ ღმერთმან.
39. [თუესა დეკენბერსა ვ] ამასვე დღესა აღაპი ... [ბ].. [ჲ] .. [ბ]...ს ძისაჲ ... ვინ არ გარდაიჴადო[ს] ...
30. [თუესა დეკენბერსა ვ] წმიდაჲ ნიკოლოზ, წმიდაჲ ელია მთავარანგელოზი. თუჱსა დეკენბერსა ექუსსა, დღესა წმიდისა ნიკოლოზისასა გაუჩინნეთ ჩუენ, ჯუარის მამამან ნიკიფორემ კახმან და ეპისკოპოსმან თეოდოსემ, პაპა კირ მარკოზ და აბრამ და მ[ა]თეოზ და ელიამ აღაპი ქეიხოსრო წულუკიძეს ამისთვის, რომე აშენა ქრისტეს საფლავთანა წმიდის ნიკოლოზის საყდარი სამოცით სახლით, ქჳთკირით კამარა შეკრულითა. და და[ი]ხსნა [წისქჳლი] წმიდის ნიკოლოზისა და დაიხსნა ვენახი ცხორებაჲ ... ამასი სამუქფოთ დავხატეთ და დაუვსებელი კანდელი დაუკიდეთ წინა და ერთი კანდელი ქრისტესს საფლავშიგ დაუკიდეთ და ერთი გოლგოთას და ყუჱლგან მოსახსენებელშიგ ჩავსწერეთ და აღაპი და წირვა გაუჩინეთ საუკუნოდ მოუშლელი ა, ვინცა და რამანცა ძემ კაცისამა ეს მოუშალოს, ანუ ჯუარის მამამან, ანუ პატრიარქმან, ანუ წინამძღუარმან, რისხავმსცა მამაჲ, ძე და სული წმიდაჲ, ყოველნი [წ{მიდა}ნი ღ{მრ}თის{ა}ნი ჴორციელნი და უჴორცონი და ჩ{უე}ნთა ... ბრალთა და ცოდვათა მზღ...] [წყე]ულიყუნე[ნ], ა{მი}ნ.
31. [თუესა დეკენბერსა ვ] ამასვე დღესა წირვაჲ და აღაპი საუკუნოჲ ბედიელ-ყოფილისა ნიკოლოზ კათოლიკოსისჲ. და მწუხრი პანაშჳდი მისივე, შეუნდვენ ღმერთმან.
32. [თუესა დეკენბერსა ვ] ამასვე დღესა საუკუნო აღაპი ჩაისელ-ბედიელის და აფხაზეთისა ქათალიკოზისჲ იოვაკიმისი, შეუნდვენ ღმერთმან.
33. [თუესა დეკენბერსა ზ] ამასვე დღესა აღაპი და პანაშჳდი ერისთავთა ერისთვისა შერგილ დადიანისა საუკუნოი, შეუნდვენ ღმერთმან.
34. [თუესა დეკენბერსა ზ] ამასვე დღე წირვა და აღაპი და ლოცვაჲ დიასამისძისა ვარამისი, ასი მუტყალი ოქრო გამოეგზავნა, შეუნდვნეს ღმერთმან.
35. [თუესა დეკენბერსა ზ] ამასვე დღეს აღაპი მის[ი]სა მეუღლისა თამარის, ღმერთმან შეუნდვენ, ა{მი}ნ.
36. [თუესა დეკენბერსა ზ] ამასვე დღესა წირვაჲ და პანაშჳდი საუკუნოჲ ფანასკერტელისა ამირღამბარისი, შეუნდვენ ღმერთმან.
37. [თუესა დეკენბერსა ზ] ამასვე დღესა წირვა და აღ{ა}ჲპი საუკუნო ოთარისა ვარაზასი. შეუნდვენ ღმერთმან.
38. [თუესა დეკენბერსა თ] თუესა დეკენბერსა თ წირვაჲ და აღაპი დადიანისა გიორგის მეუღლე-ყოფილისა თამარ-ყოფილისა თომაჲდაჲსი. რაჲზომიცა მღდელი იყოს, ჟამსა უწირვიდეს და ყოვლითა განგებითა სრული და უნაკლულოჲ პირველ პანაშჳდი გარდაიჴდებოდეს წინა დღით და მერმე აღაპი. და ვინცა არ გარდაიჴდიდეს და შეუცვალოს, შე-მცა-იცვლების რჯულისაგან ქრისტეანეთაჲსა და კრულმცა არის ყოველთა წმიდათა მადლითა. ერთობ დიად ებოძა დადიანსა გიორგის ღმერთმან შეუნდვნეს და დამამ\ტკიცებელნი და აღმასრულებელნი ამისნი ღმერთმან აკურთხნეს.
39. [თუესა დეკენბერსა თ] ამასვე დღესა აღაპი ქველივაჲს ძისა პირნათლისი. მესამედ მოსულასა მისსა გაჳკუეთეთ აღაპი საუკუნოჲ და პანაშჳდი. აღაპს[ა], რაოდენნიცა ხუცესნი იყუნენ, ჟამსა უწირვიდენ, და ეკლ[ე]სიით ფასი მიეც[ე]მოდეს. გამოიღო ორი [ათ]ას ორასი დ[რ]ამაჲ და ვინცა შეცვალოს, შე-მცა-ც[ვ]ალებჳლ არს სჯულისაგან ქრისტიანეთაჲსა. ვიდ\რემდის ესე [მო]ნასტერი ეგოს და [ჩ{ე}მთამცა ც[ო]დვათა [მ]ზღვე[ლი] [ა]რს წინაშე ღ{მრთ}ისა].
40. [თუესა დეკენბერსა ი] ამასვე დღესა აღაპი ჭყონდიდისა დეკანოზისა ბასილისა და მშობელთა მისთაჲ, ვინცა შეუცვალოს, წყეულმცა არს უკუნითი უკუნისამდე.
41. [თუესა დეკენბერსა იბ] ამასვე დღესა წმიდისა სპირიდონის დღესა წირვაჲ და აღაპი ჯავახის შვილისა სარიჯნისი და მისისა მეუღლისა ორბოძლელისა ასულისა თამარისი. გაუჩინეთ მე, პატიოსნისა ჯუარისა არქიმანდრიტმან იოსებ, მოძღუარმან გიორგი, ჭყონდიდელმან გიორგი და ერთსულობით კრებულმან. მათმან ქალმან ხუარაშან-ყოფილმან ფოტინე ათასი დრამა მოგუცა და გაუჩინეთ წირვა და აღაპი, და სადამდისცა ესე მონასტერი ეგოს, თუ ორნიცა ქართველნი იყუნენ, ნუვინ დააკლებთ, გარდაიჴდიდით. და ვინცა არ დააკლოს, ღმერთმან სასუფეველი მას ნუ დააკლოს.