„აფხაზეთის ისტორია ბაგრატ მეფისა“
ქრისტეს
სახელითა მე კონსტანტინე მეფემან, ძემან სულკურთხეულის ბაგრატ აფხაზთა მეფისამან: ვპოვე
საჭურჭლესა ქუთათისის მდივანი. მეფეთა შინა ეწერა სახელები მეფეთა და დაძველებულ იყო
და ახლად გადავაწერინე:
პირველი მეფე აფხაზეთისა იყო ანოს: მეორე
შვილი მისი ღოზარ: მესამე შვილი მისი ისტვინე: მეოთხე შვილი მისი ფინიქტიოს: მეხუთე
შვილი მისი ბარნუკ: მეექვსე შვილი მისი დიმიტრი: მეშვიდე შვილი მისი თეოდოსი: მერვე
შვილი მისი კოსტანტი: მეცხრე შვილი მისი თეოდორე: მეათე შვილი მისი კოსტანტინე: მეთერთმეტე ძმა მისი ლეონ, რომელმაც დაყო მეფობასა შინა თვისსა
წელიწადი ორმოცდახუთი: მეთორმეტე შვილი მისი თეოდოსი, რომელმაც დაყო მეფობასა შინა
თვისსა წელიწადი ოცდაშვიდი: მეცამეტე ძმა მისი დემეტრე. მეფობდა ოცდა თექვსმეტ წელს:
მეთოთხმეტე ძმა მათი გიორგი მეფობდა, რომელსაც საუფლისწულოდ აღწუფი ჰქონდა. და ამისთვის
ეწოდა მას გიორგი აღწუფელი. ამან იმეფა შვიდ წელს: მეთხუთმეტე შვილი დემეტრესი ბაგრატ.
მეფობდა მეფობდა თორმეტ წელს: მეთექვსმეტე შვილი მისი კოსტანტი. მეფობდა ოცდაცხრამეტ
წელს: მეჩვიდმეტე შვილი მისი გიორგი. მეფობდა ორმოცდახუთ წელს: მეთვრამეტე შვილი მისი ლეონ. მეფობდა ათ წელს. მეცხრამეტე ძმა მისი დიმიტრი.
მეფობდა რვა წელს: მეოცე ძმა მისი თეოდოსი თვალ-დამწვარი. მეფობდა სამ წელს. და ამასა
შ - დ ინება ღმერთმა და დავიპყარ მე ქვეყანა აფხაზეთისა, დედული ჩემი, ბაგრატ ბაგრატოანმა,
ძემან სულ-კურთხეულისა გურგენისამან, და ასულის წულმან გიორგი აფხაზთ მეფისამან: და
თუ მე რაოდენთა წელსა დავყოფ მეფობასა ჩემსა, ღმერთმან უწყის“:
შემდეგ მიმატებულია:
„ხოლო მეფობდა ესე ბაგრატ ოცდა თექვსმეტ წელს და შემდგომად იმისა
მეფობდა შვილი მისი გიორგი ცამეტ წელს და ხუთი თვე“.
Комментариев нет:
Отправить комментарий